| 迷失了 覺得身邊一切都唔重要既各種感覺好可怕 但係我冇力去企返起身 冇力去克服 我好攰 我好失敗 好蠢 呵....................... |
| |
| 哈哈， MISS CHOW真係LUCKY 一次過抽左五支16號出黎， 咁唔到咁快就比人發現XD PE，跨欄，好難。 放學，去左LALA呀， 第一次玩LALA， 咁遲先入，佢地已經跳左好多，唉，有排追。 練跑，跑左十個圈，狀態唔太好呀， 成個幾兩個月無跑過， 要加緊練習先得， 希望今年1500有獎啦XD 向越野進發，FIGHTING 26號，星期一返黎啦， 開學到依家都無返過黎， 依排聽到佢返， 好興奮 4E多返個人啦，好期待見到佢。 |
| |
| YESTERDAY 國慶日， 4E 中秋gathering， 同時對我黎講係非常之值得記念既一日。 五點幾去到蝴蝶灣， 第一次去蝴蝶灣呀， 個度風景唔錯。 搭左差唔多成個鐘輕鐵先到-.- DICK三點就去左霸位啦，佢話三點去到個時得返依個位。 跟住又話有人出到五百蚊去買個位，佢都無賣！ 唔知佢係咪講真，盧嘉榮就話佢：死蠢，做咩唔賣左佢，拎五百蚊，我地去打邊爐呀嘛。 ─———— 之後，就黎六點， 跟左人去釣魚，  ，
我之前覺得釣魚好悶， 不過自己試完之後，真係覺得好好玩，原來唔使等好耐就有魚上釣XD 當你真係釣到魚既時候，個份滿足感、成就感真係難以形容， 好耐都無試到咁開心呀！ 我第一次釣魚，今次既魚穫有兩條呀。 一條大，一條細。 大個條長過30 cm，係條馬友黎............同街市買到個D咁大條 釣上黎個刻，成個人開心到彈起，其實見到咁大條個時都有點不知所措， 好彩有專人指點， 
依個就係教我釣魚既師傅啦。 佢好細個就開始釣魚 哈哈，不過佢到ｄ魚都唔夠我個條大條。 名師出高徒 跟住就狂比佢話我負碌怪。 其實講真我都覺得自己幾負碌架，第一次釣魚有咁既收獲， 證明我夠好運同幾有天分，嘻嘻嘻嘻嘻嘻嘻嘻嘻嘻嘻 
我的最大收獲，長過30 cm的馬友 
釣魚工具，唔用魚竿都釣到咁大條魚，我覺得我自己好勁呀。 我釣釣下，將個魚餌放係沙度， ：沙度有魚架咩？ ：有，有沙甸魚。 燒野食個時再問盧嘉榮：沙度有無魚架咩？ 盧：有鯊魚<--------依個仲GAG 釣到天黑就過去BBQ啦。 貪玩的我們拎D綿花糖當碳精用。 著火的綿花糖 
我個日食得最多係綿花糖+麵包。 食到咁上下，落沙灘玩蠟燭， 蔡XX玩玩下放D膠手套落去燒，跟住話：我想用D手套蓋熄ｄ火。 我就話：咁同你用火水救火有咩分別 係沙灘其實都無咩野玩 拎沙掟人，推人落水， 有幾個遭殃， 電話遭殃 樂極生悲．．．．．．．． 十點半就散左ｌｕ 聽日要返學 取消左swimming gala，唉。 今日(10月2)，聽講仲會取消埋陸運， 唔好呀！ |
| |
| 8月15日(星期六) 今日，成家人一齊出動！ 九點，上車。 十點過D，到左鹿頸！ 跟住就去行山， 就係行依度↓ 
中途休息站尤德亭↓
 其實我都唔知自己總共行左幾多公里路，加埋休息都用左大約兩個鐘先行完！ 行既途中見到↓
 覺得間屋幾得意：2008呀，通常都係19XX ，第一次見2字頭。 山頂風景↓ 
行既途中，見到好多蜘蛛，仲好大隻， 嚇死我，跟住成日都覺得好似有蟲飛左落自己度， 不過慢慢，恐懼既感覺無晒。 開始可以好好咁享受大自然^^ 山下，有好多濕地同紅樹林， 仲有人係度觀鳥， 不過得D白鷺係度。 
觀鳥人！ 
下一站，雲泉仙館 
好多盆景睇，所以我覺得好悶， 唯一吸引我既得依三樣野。 第一樣↓ 
條路好窄(好彩我仲入到)，不過望落去有一種神秘既感覺， 好奇心驅使我上左去，其實有D後悔上左去。 因為見到我討厭的蜘蛛網。 應該好耐無人上過去LU。 第二樣↓ 我係入面見到既唯一一盆玫瑰， 
第三樣，唔知係荷花定蓮花池 
應該係蓮花，有蓮子。 就咁就過左一日啦 
小插曲： 有條可憐的小蟲癡左係阿妹件衫到， 比阿妹帶左落山，之後媽媽見到幫阿妹整左條蟲落地， 蟲個時無死到，不過佢最終都小命不保， 有隻小蜘蛛發現左佢，就爬埋去咬佢， 條蟲好慘，被咬後，卷埋一舊，跟住又彈下彈下， 無幾耐，就比蜘蛛成條吞左落肚， 條小蟲真係禍不單行。 |
| |
| 8月12日(星期三) 六點就起左身(暑假第一次咁早起)， 七點半就開始係景湖一帶賣旗， 次次賣旗都落雨，悲哀。 我係巴士站附近， 其實都幾唔好意思，阻人地追巴士， 哈，都有幾個人因為我MISS左班巴士， 仲有人扮追巴士而避開我，真係得意！ 好多人都問：星期三都有賣旗架咩？ 我都係因為今日賣旗先知有。 九點幾，落左元朗賣， 成條大馬路都有義工， 成街人都買左旗， 係度淨企，賣得好少 到左十點九到，就交左旗袋， 今日業績都唔錯，賣出108隻旗， 估計個企袋入面都有二三百蚊。 食LUNCH，再一次做左電燈膽， 其實我都唔想-.-。 係新元中見到既結他，好靚。 
8月10日(星期一) 回校拎旗袋，等車時撞到曹盈瑋， 同佢傾左陣，不過感覺有點兒怪。 
旗袋 + 義工證 
拎完旗袋回到家，見到悅榮比人封左，後尾睇新聞先知發生傷人。 8月8日(星期六) 返左小學，門面變左好多，多左缸珊瑚魚， 
不過得個幾條！ 6c無一次齊人， 8月3日(星期一) 第一次去動漫， 排yes個攤都排左成個鐘， 去到去咩都無買，呵呵， 其實有d後悔去左， 無野岩買，個場又細又逼，真係寸步難行， 最開始係見到好多cosplay， 可惜唔知佢地扮邊個， 搵唔到周秀娜個攬枕，想睇下咩樣。 好多人買劍！ 8月2日(星期日) 學琴第一堂！個老師幾好人， 我好鐘意同d學生玩，依句野佢講左兩次， 可能我表現得太拘謹！ 7月29日(星期三) 鋼琴進駐我家。 7月27日(星期一) 去左書展， 第二年去，今次記得買郵票呀， 用係郵票既錢仲多過係書， 會場d野幾好食，不過真係好貴。 同晴仔一人整左個電話繩。 係明報個攤見到宣萱， 我地係最頭個個位，仲要對正佢 
結果，睇睇下想走個時，比人圍住曬，想走都走唔到。 
可愛的tvbuddy。 |
| |
